主唱﹕林憶蓮/張國榮﹐作曲﹕薛忠銘﹐編曲﹕倫永亮﹐作詞﹕潘源良
年份﹕1994﹐專輯﹕關於她的愛情故事
張白﹕離開妳已經差唔多一年﹐
但係唔知點解﹐當我每朝早起身剃鬚嘅時候﹐
仍然可以係個鏡裡面睇到妳啱啱瞓醒嗰個樣。
好似隻貓咁﹐將個頭捐入我睡衣入面。
記得妳講過﹐人越嚟越大就越嚟越唔敢開始一段感情﹐
妳亦都講過﹐從來冇試過同一個男人﹐
可以好似同我係埋一齊咁開心﹐咁投入。
但係點解妳始終都唔肯講畀我聽妳愛我嘅﹖
蓮﹕就像是一艘飛向星的客機﹐
心彷彿早已離地﹐身邊的一切游離。
不夠膽望向你﹐為怕你知道此刻的心理﹐
還是推開你﹐去呼吸空氣...
* 盡力地說一些笑話做逃避﹐
偏不知怎麼說起方可找得到自己。
為何能遇上你﹖能驟眼已感到沒半點距離﹐
純屬緣份﹐還是如以往我再自欺﹖
# 偷偷(多麼)感激你能讓我再試這滋味﹐
無奈我卻怕愛比刀鋒更利﹐更痴戀也是要捨棄﹗
只好感激你﹐明日我要與你分飛千里﹐
留下我愛你這赤裸的秘密﹐也只好偶然再想起...
張白﹕鏡裡面﹐我又見到妳著住我送畀妳嗰件睡衣﹐
呢﹐係妳胸口上面有個蝴蝶結嗰件。
妳每一次都好唔小心咁將佢打成死結﹐
而我就一隻手剃鬚﹐一隻手想幫妳解開佢...
而妳話﹐個結係我用兩隻手打嘅﹐妳用一隻又點可以解開呢﹖
我真係好想知道﹐究竟要一對點樣嘅手﹐
先至可以幫妳解開你感情上面嘅死結﹖
究竟要一個點樣嘅男人先至可以令妳毫無顧慮咁去愛佢呢﹖
Repeat * # #
蓮白﹕感情嘅事﹐我從來都唔知道應該點樣去解釋﹐
可能係因為以前所受過嘅傷。
我同自己講﹕我唔會再付出架喇﹐即使我好清楚知道﹕
唔會再有機會碰到一個好似你咁樣嘅男人。
我諗﹐人都係自私嘅﹐係我再一次受傷之前﹐
請你原諒我﹐我只可以離開...
(PS﹕Never forget 9 months ago...)
No comments:
Post a Comment